Monthly Archives: April 2015

SACheeseFest2015 (3)

INNOVEER MET SA KAASFEES

Kaasliefhebbers kan ‘n ongelooflike smaaksensasie verwag met innoverende koskombinasies deur glanspersoonlikhede by die SA Kaasfees vanaf 25-27 April by Sandringham in Stellenbosch.

n Indrukwekkende verskeidenheid kaas en verwante produkte word in die Checkers Kaasemporium gehuisves. Hierdie jaar behaal die kaasfees ‘n nuwe rekord deur die meeste ruimte wat in 14 jaar deur kaasuitstallers opgeneem is.

 

SACheeseFest2015 (4)

Bekende persoonlikhede soos Nataniël, Giggling Gourmet Jenny Morris, Sarie kosredakteur Herman Lensing en Kokkedore Johnny Hamman en Marius Uys gaan hul kulinêre vernuf ten toon stel wanneer hulle watertand geregte met kaas en vleis met plaaslike en internasionale wyne in die Checkers Markteater optower.

Die Afrox Kookpot kook hierdie jaar met programaanbiedings wat ‘n uitsonderlike seleksie van innoverende koskombinasies en vermaaklike aanbieders insluit. Feesgangers kan ‘n eet-ervaring verwag wat hul smaakkliere sal kielie.

SACheeseFest2015 (3)

Die Agri-Expo Mall het ‘n uitgesoekte verskeidenheid verwante produkte wat geproe en gekoop kan word om later te geniet.

n Nuwe toevoeging tot die fees is die Wes-Kaapse Departement Landbou projek Cape Made: Taste the Alternatives, wat alternatiewe produkte soos granate, olywe, kruie, sampioene, neute, heuning, inheemse tee en suurvye insluit. Ontdek die verassings wat hierdie innoverende nuwe toevoeging beskikbaar het en ondersteun ons plaaslike nismarkte sodat hulle kan groei tot voordeel van almal.

By die SA Kaasfees word gewone blokke kaas in kunswerke omskep met die daaglikse Ladismith Kaaskerfkompetisie. Hierdie kompetisie is reuse pret vir enigeen wat kans sien om deel te neem.

Uitstekende kwaliteit eetplekke en kostrokke (food trucks) in die Gourmet Laan sal sorg vir ‘n geurige verskeidenheid disse vir middagetes en selfs vroeë aandetes.

Kindervermaak sluit ‘n verskeidenheid van aktiwiteite in soos die Kinderhoekie en die Melkfabriek, waar die kleinspan interaksie kan hê met diere van verskillende suiwelrasse. Die Cornetto Tienersone is een van die innoverende aktiwiteite waar tieners met hul vriende kan ontspan (chill) tussen die geroesmoes van duisende feesgangers.

SACheeseFest2015 (2)

Kaartjies is by enige Computicket, Shoprite of Checkers winkels beskikbaar teen R130 per dag. Senior burgers betaal R100 per dag en kinders 13 jaar en jonger kry gratis toegang. Geen kaartjies sal by die hekke te koop wees nie. Die feestye is daagliks van 10:00 tot 18:00. Sandingham is gerieflik langs die N1 geleë, afrit 39, tussen Kaapstad en Paarl.

Vir meer inligting, kontak Agri-Expo by tel 021 975 4440 of cheese@agriexpo.co.za of besoek www.cheesefestival.co.za

Yonder Hill Beesstert resep

 

YonderHill Oxtail

Die geheim is om die Beesstert die dag voor jy dit wil voorsit,te maak.

 

 

Bestanddele

2.5kg beesstert (indien jy in die Stellenbosch-omgewing woon, kan ons Bird Street Butcher in Stellenbosch se topkwaliteit beesstert aanbeveel)

500ml Yonder Hill Inanda – geniet die res in ‘n glas…

3 groot rooiuie gekap

2 stingels preie gekerf

3 stingels seldery gekerf

3 groot wortels gekerf

80ml Olyfberg olyfolie

5 pepperkorrels

4 naeltjies

2 lourierblare

8 knipsels vars tiemie

1 koppie meel

1 opgehoopde teelêpel fyn koljander

1 opgehoopde teelêpel fyn gemmer of 1.5cm vars gemmer gerasper

2 blokkies hoenderaftreksel opgelos in 5 koppies water

Sout en peper na smaak

 

Metode

 

  1. Verhit oond tot 180 grade Celsius.
  2. Maak Inanda oop en skink 250ml in wynglas. Geniet!
  3. Braai uie, seldery, preie en wortel in olyfolie tot glasig en skep uit op bord.
  4. Terwyl die groente braai, maak n mengsel van meel en fyn speserye in ‘n plastiese houer met deksel.
  5. Plaas die vleis in die houer, seel dit en skud goed totdat die meelmengsel dit volledig bedek.
  6. Braai die beesstert in olyfolie tot bruin.
  7. Neem ‘n tweede proe Inanda en geniet die dinamiese vermenging van geroosterde koffieboon, donkersjokolade en rooi bessie geure
  8. Skep die groente en vleis afwisselend in ‘n oondkasserolbak.
  9. Voeg die wyn, hoenderaftreksel, speserye en kruie by.
  10. Plaas die bak in voorafverhitte oond teen 180 grade Celcius vir 1 uur.
  11. Verminder die oondhitte na 150 grade Celcius en bak stadig vir ‘n verdere 4-5 uur terwyl jy ontspan en die res van die glas Inanda geniet.
  12. Laat afkoel en skep enige vet af.
  13. Verhit die volgende dag deeglik en voeg pietersielie by.
  14. Bedien saam met rys of polenta.
  15. Bederf gaste met ‘n glas Inanda en verlustig julself in ‘n perfekte paring tussen die diep, rooi bessies aromas en smullekker beesstert.

 

 

 

 

 

 

 

 

 

YONDER HILL WINE FARMING CC

Yonder Hill, Route 44, Stellenbosch/Somerset West · P.O. Box 914; Stellenbosch, 7599

TEL (021) 855 1008 · FAX (021) 855 1006 · Email: wines@yonderhill.co.za · www.yonderhill.co.za

Members: F.S. Naudé Trust, The Olive Trust

Reg. No.: 2008/133841/23 · VAT No.: 4530 251 398

Yonder Hill Wyne se Inanda 2013 – Plek van skoonheid

 

wpid-yonder-hill-inanda-2013.jpg.jpeg

 

Yonder Hill Wyne is geleë langs die R44 sowat 15km vanaf Stellenbosch.  Hier aan die hange van Helderberg word 6 hektaar wingerd omtower tot ‘n reeks top wyne waarvan die Inanda 2013 geen uitsondering is nie.

 

Inanda 2013

Die Inanda – wat Plek van Skoonheid in Zoeloe beteken, is ‘n 47%Cabernet Franc,44%Cabernet Sauvignon, 6% Merlot en 3% Petit Verdot versnit.  Dit pronk met ‘n komplekse neus van geroosterde koffiebone en donker sjokolade geure, gekomplimenteer deur pikante rooibessie-smake.  Met ‘n verouderingspotensiaal van sowat 4 tot 6 jaar, het die Inanda ‘n elegante, gebalanseerdesamestelling wat ook dadelik geniet kan word.  Die Inanda is bekroon met ‘n silwer Veritas toekenning asook ‘n 3.5-ster Platter toekening en teen R90.00 per bottel is dié wyn beslis ‘n moetlangs die winter se kaggelvuur.

 

Wynmaakproses

Die vier druifkultivarsword op verskillende stadia tydens die seisoen ryp en word dus apart geoes en gefermenteer.  Na versnyding en sekondêre gisting (appelmelksuurgisting), word die versnit vir 13 maande in slegs 2251 Franse Eikehoutvate verouder.

 

In die wingerd

Die vyfjaar oue wingerd is aan die noordelike hange van die plaas gevestig waar die wingerdstokke teen ‘n hoë prieel opgelei word om munt te slaan uit maksimum sonblootstelling, asook die ligte seebries vanaf Valsbaai.  Die wingerde word minimaal hanteer of bespuit met gifstowwe om ekovriendelike boerderymetodes te verseker.

 

Kom proeTop of Form

Kom geniet Yonder Hill se hartlike Bolandse gasvryheid by die rolstoelvriendelike proelokaal.

Tye

Maandag tot Vrydag: 09:00 – 16:00

Gesluit op naweke, openbare vakansiedae en Paasnaweek.

 

Kostes

R30 per persoon sluit in: ‘n verwelkomingsdrankie, 4 wyne en Olyfberg Olyfprodukte.

Keldertoere saam met wynmaker Abe Beukes is ook beskikbaar.

 

Bespreek ook gerus vir ‘n kaas en wyn proe teen R85.00 per persoon.  Die bord bestaan uit 4 kase, Olyfberg olyfprodukte en ‘n verskeidenheid beskuitjies en broodjies.  Die wynproe sluit een verwelkomingsdrankie en 4 wyne in.

 

Besoek hul webwerf by www.yonderhill.co.za vir meer inligting oor hul ander wyne asook afsetpunte.  Bestellings kan aanlyn of telefonies geplaas word by Yonder Hill Wyne.

 

Vir meer inligting skakel Susan Smith by 021 855 1008of susan@yonderhill.co.za

Facebook: https://www.facebook.com/WineEstate

Twitter: @YonderhillWine